MDRRMC- Santa and PCG- Santa 
MDRRMC- Santa and PCG- Santa
VIGAN CITY – Nasarakan idi alas dyes kwarenta y uno iti agsapa idi July 17 ti bangkay ti nalmes a ni Carlito Servania nga agtawen iti dua pulo ket lima a taga- Casiber, Santa a natinnag iti nagluganan na a bilog idi alas kwatro y media iti malem idi July 16.
Segun ken ni MDRRMC- Santa Officer Ace Llanes Adviento, alas singko ti agsapa idi kalman idi nagdeploy da idiay Villamar, Caoayan, kadua da ti PCG a nakadeploy idiay Santa ket rinugyan da ti search and retrieval operations iti bagi ti biktima agingga a nakita dan ti bangkay na a tumtumpaw iti asideg ti mapapati a nakatinnagan na.
Inbaga met ni Barangay Captain Albert Quilenderino a malaksid nga adalem iti lugar a nakatinnagan ti biktima idi naminsan nga aldaw, siguden nga adda malmalmes iti lugar ta patien da nga adda iti aggigiyan idiay a saan a makitkita ken mangkurkursunada kadagiti kayat na a biktimaen.
Immunan nga inbaga ni Sangguniang Bayan Member Reynold Queral ti ili a Santa nga idi nadlaw ti kadua da a natnag ti biktima ket insigida da a nagsubli iti ayan na tapnu mapan da kuma isalakan.
Nakita da pay laeng nga aglanglangoy ti biktima nga umasideg kadakuada agingga nga in-inut a limned ket saan dan a nakita isu a nagpaarayat da kadagiti rescue teams ti Caoayan ken Santa.
