VIGAN CITY -Nakemmeg ni Spedict Varilla, agtawen iti tallopulo ket innem, mannalon, drug surrenderer a taga-Immayos Norte, San Juan gapu ta naaktuan nga adda ikotna ken agimulmula iti piraso ti potted marijuana iti abay ti pagtaenganna.
Sakbay ti pannakadiskubre iti nasao a marijuana plant, nagkiddaw ni Edgar Peneyra, empleado ti Department of Agriculture San Juan iti tulong kadagiti kapulisan tapno mapanda kitaen iti pagtaraknan iti baboy ti suspek gapu ta agrekreklamo dagiti karrubada iti nabangsit nga angot.
Bayat ti panangkitkitada iti aglawlaw ti nasao a pagtaraknan iti baboy, kadua dagiti barangay official ken dagiti pulis, nasarakan ti naimula a marijuana iti likudan ti pagtaengan ti suspek a ti rukodna idi naparut ket 26.5 a pulgada, naimula iti Boysen paint can nga addaan iti rolled chicken wire.
Nupay kasta, sangwen ti suspek iti kaso a panaglabsing iti RA 9165 wenno Comprehensive Dangerous Drugs Act of 2002.
