Dati a drug surrenderer ti maysa a lalaki a natakuatan nga agik-ikot iti iligal a droga kabayatan iti checkpoint idiay Galimuyod.
Iti pannaki-uman ti Bombo Radyo Vigan ken ni PLT. Arnel Valdez, OIC ti Galimuyod Police Station, ti suspek ket dati payen a natiltiliw iti iligal a droga kadagiti naglabas nga operasyonda.
Maipalagip a manarimaan ti checkpoint dagiti personnel ti Galimuyod Police Station idin napara ti Isuzu elf truck a minaneho ti suspek iti checkpoint tapno maberipika ti driver’s license ken rehistro ti luganna ngem awan ti lisensya ken saan a naka-seatbelt isu a tiniketanda.
Maysa kadagiti personnel ti nakadlaw babaen iti dashboard nga adda ti transparent plastic sachet a naglaon iti white crystalline substance iti dashboard, isu a sinaludsodna ti suspek.
Ket idi manarimaan a masalsaludsod, pinatarayna ti lugan ket nagturong iti laud a direksyon idinto a naitayab ti 0.48 grams ti mapapati a shabu nga aggatad iti P3,264.
Manarimaan pay laeng met ti panangsapulda iti suspek ta maisagsaganan ti kaso a sangwenna.
