VIGAN CITY – Saan pay a nabigbig ti kinasiasino ti maysa a lalaki ti natay ta nasapgid ti maysa jeep idiay Brgy. Barangobong, Sta Lucia.
Iti panaki-uman ti Bombo Radyo kenni Police Master Sergeant Edilberto Biason Jr. iti Sta Lucia Municipal Police Station, ti jeep a minaneho ni Jaime Peralta, agtawen ti innem a pulo ket tallo, naasawaan a taga Brgy-Paratong ti nasao a lugar ket agpapabagatan a paset ti kalsada idi kellaat a nagballasiw ti kalsada ti biktima.
Innayon ni Biason nga impadas a linisian ti jeep iti biktima ngem nasagidna latta a gappuanan ti pannakadundunorna.
Naipan nga insigida iti ospital ti biktima ngem naideklara a dead on arrival babaen ti attending physician-na.
Kabayatanna, naamwan nga adda iti parikot iti panagpampanunot ti biktima.
