--Ads--
VIGAN CITY – Im-imbestigaran dagiti pannakabagi ti linteg ti Sta. Catalina ti pannakatay ti maysa a lalaki a nagbekkel idiay Brgy Poblacion.
Ti biktima ket ni Paulino Oliveros, agtawen iti limapulo ket uppat a tubo ti Nambaran, Sto. Domingo ngem agtaltalinaed idiay Brgy Poblacion, aglaklako iti panaderya.
Iti pakauna nga imbestigasyon, nagbalaw ti asawa ti biktima a ni Mary Ann no apay a saan pay a naglukat iti panaderya ti biktima ket idi napan iti likudan ti panaderya, nasarakanna a nakabitin iti PVC water spout babaen ti cable wire a naiputipot ti tengngedna.
Idi kallabes ket ginandat manen ti biktima nga agpakamatay ngem nasigud da isu a nakalasat ken maipalagip a nagbekkel met la idi ti putotna gapu ti parikut iti babai.
-- ADVERTISEMENT --
