VIGAN CITY – Im-imbestigaranen ti Sto. Domingo Municipal Police Station ti rason no apay a nagpakamatay ti maysa a lalaki a nasarakan a nakabitin iti bangkayna iti kabakiran idiay Sitio Ayusan, Brgy. Naglaoaan.
Ti biktima ket ni Marvin Paz, agtawen ti tallopulo ket walo, maysa a construction worker nga agnaed iti nasao a lugar.
Segun kenni P/Lt. Carlo Rabago, nalabsan da Gerald Rubi, agtawen ti uppat a pulo ket maysa, tricycle driver; Arnold Tabangcura, agtawen ti tallopulo ket lima, security guard ken ni; Marino Tabangcura, agtawen ti uppat a pulo ket tallo, mannalon nga agpapada nga agnaed iti Cameztisoan ti biktima a nakaigalut ti tengngedna iti kayo ti kawkawati isu nga insigida a naipakaammo kadakuada ken naitaray iti ospital ngem naideklaran a dead on arrival.
Innayon ni Rabago a napan naginom ti biktima idiay San Ildefonso kadua ti gagayyemna ket iti kabigatanna, nadlawdan a nakapanawen manipud iti nagturoganda.
Malaksid iti dayta, naduktalan pay a ti biktima ket maymaysan nga agnanaed iti kalapawna ken saandan nga agdendenna ti asawana.
