--Ads--
Nasarakan ti maysa a lalaki a natay gapu iti mapapati a pannaka-aksidentena idiay Barangay Cabaritan, Sto. Domingo.
Ti biktima a lalaki nga agtawen iti uppat a pulo ket innem, agnaed iti nasao a lugar ket nasarakan manipud iti natinnag a kurong-kurong.
Maibasar iti physical examination, natay ti biktima gapu iti severe head injury gapu iti aksidente.
Rumrummuar iti imbestigasion a ti kurong-kurong ket minaneho ti biktima ngem idi agsikko nga agpalaud idi makadanon iti kurbada a paset ti kalsada, saanna a natantya ket nagderderetso isu a naitapuak ti luganna iti kapagayan.
-- ADVERTISEMENT --
Gapu dayta, natulid ti kurong-kurong ket nadungpar ti bagi ti biktima.
