--Ads--
VIGAN CITY – Natay gapu ti pannakapilidna iti Truck transit mixer idiay Brgy. Sabang, Cabugao ti lalaki a nagmaneho ti motorsiklo a ni Ronald Somejo, agtawen iti duapulo ket maysa idinto a nadunor ti kinalubbonna a ni Romel Agustos, agtawen iti duapulo ket maysa nga agpada a taga-Brgy. Daclapan.
Nabigbig ti drayber ti Truck transit mixer a ni Meynard Garcia, agtawen iti tallopulo ket lima a taga-Brgy. Catucdaan, Cabugao.
Agpapa-abagatan ti transit mixer idin ta naawanan ti kontrol iti manibela ti drayber iti motorsiklo ket naipasiruk iti trak ket naatalan ti ulona.
Nakakustodian ti drayber ti transit mixer iti Cabugao Police Station tapno dumalan iti husto a proseso.
-- ADVERTISEMENT --
