VIGAN CITY – Nakapyansan ti maysa a lalaki a napilaan iti kaso a Direct Assault gapu iti panangbastosna iti maysa a kameng iti Sto. Domingo Municipal Police Station idiay Brgy. Vacunero, Sto. Domingo.
Iti pannaki-uman iti Bombo Radyo Vigan ken ni PLt. John John Garan nga OIC, Sto. Domingo Municipal Police Station, manarimaan iti Oplan Sita ni PSMS Elias Tabin Tabusares Jr., agtawen ti uppat a pulo miembro iti PNP Sto. Domingo MPS idin madi ti panagparking iti outer lane iti abagatan a paset iti kalsada ni Pompeyo Quinola Palpallatoc, agtawen ti limapulo ket tallo, naasawaan, negosyante nga agnaed idiay Brgy. Nalasin, Sto Domingo babaen ti naglugananna a Ford Ranger isu nga inasitgan ni Tabusares.
Segun ken ni Garan, kinasarita ti pulis ti suspek ngem nagsinnungbatda laeng ket pinangtaanna pay isu a timmawagen iti tropa ket nadanonanda pay laeng iti panangbugbugkawna.
Gapu iti dayta nagpalagip ni Garan ti publiko a sumurot kadagiti pagannurutan iti ili ta sursuroten ken araramidenda laeng iti trabahoda.
