--Ads--
VIGAN CITY – Nakemmeg ni Jose Manuel Lopez alyas Prince MJ Garcia, agtawen iti duapulo ket dua a taga-Barangay Tablac, Candon City.
Napan ti suspek iti Candon Police Station a mangala ti National Police Clearance-na ket kabayatan ti panangberipikada ti records-na, natakuatan nga adda warrant of arrest-na ket nakemmeg gapu ti kaso a Theft ken nailista pay a drug personality a naibilang kas SLI.
Ti warrant of arrest-na ket imparuar ti Presiding Judge ti MTCC Candon City a napetsaan iti June 17, 2022 ken nairekomendaran iti sangapulo a ribo a pisos a pyansa para ti temporaryo a pannaka-wayawayana.
