--Ads--
Dead on arrival ti maysa a lalaki gapu iti pannakalmesna iti kabaybayan ti Barangay Suso, Sta. Maria, Ilocos Sur.
Ti biktima ket agtawen iti limapulo ket siam, mangngalap, taga-Barangay Lingsat.
Maibasar iti inisial nga imbestigasion, alas otso y media iti rabii ti Marso 23, 2026, napan nagkalap ti biktima ken ti kaduana.
Kabayatan ti panagkalapda ket nagdesisionda a baliwan ti lokasionda ngem kalpasan ti sumagmamano a minutos, saanen a nakalung-aw manipud iti kabaybayan ti biktima ken naisina ti flashlight-na kenkuana.
-- ADVERTISEMENT --
Naitaray iti ospital ti biktima ngem saanen a naispal pay ti biagna.
