--Ads--
VIGAN CITY – Dead on arrival ti maysa a lalaki iti balay pagagasan gapu iti pannakalmesna idiay Sitio Sagsagat, Brgy. San Sebastian, San Vicente.
Nabigbig ti biktima a ni Warren Rodiris, agtawen ti tallopulo nga agnaed iti nasao a lugar.
Napan ti biktima iti nasao a lugar kaduana da Lito Robin, Arnel Navarro nga agpada nga agtawen ti tallopulo ket dua; ken ni Arnel Rodiris, agtawen ti tallopulo ket maysa tapno mapanda agkalap agingga idi nakitada a malmalmes ti biktima isu nga insigida a nagpatulongda.
No man pay insigida a naitaray iti Metro Vigan Cooperative Hospital ti biktima ket saanen a naisalakan pay iti biagna.
-- ADVERTISEMENT --
