VIGAN CITY – Im-imbestigaranen ti Cervantes Municipal Police Station ti pannakatay ni Efren Quidopan, agtawen ti duapulo ket walo nga agnaed iti Brgy. Libang, Cervantes gapu iti mapapati a saanna naigagara a napaltugan ti bagina.
Nabigbig ti biktima a ni Efren Quidpoan, agtawen ti duapulo ket walo nga agnaed iti nasao a lugar.
Iti pannaki-uman ti Bombo Radyo Vigan kenni Police Captain Macario Dulawan, hepe ti Cervantes Municipal Police Station, aksidente a napaltugan ti biktima ti tengngedna idi natnag kabayatan iti kaaddana iti dakkel a bato ta napanda naganup kaduana dagiti uppat a sabali pay.
Iggem ti biktima ti caliber 38 a paltogna agingga idi nakangngegen iti putok ti paltog dagiti kakaduana ket nasarakanda a nadunor isu nga intarayda iti ospital ngem naideklaran a dead on arrival.
