VIGAN CITY – Dead on arrival iti ospital ti maysa a lalaki ta nalmes iti kabaybayan a paset iti Brgy. San Pablo, San Esteban.
Iti pannakipapatang ti Bombo Radyo Vigan ken ni PMaj. Aurelio Manantan a hepe iti San Esteban Police Station, ti biktima ket ni Neilsen Eleccion, agtawen ti tallopulo ket maysa, magngalap, addaan ti live-in partner nga agnaed idiay Barangay San Rafael, San Esteban.
Segun ken ni Manantan, idi rabii iti June 7, 2023 a napan nagpana iti ikan ti biktima ken dagiti kakaduana a mangngalap iti kabaybayan iti nasao a lugar idin napansinda a saanen a immaon ti biktima.
Nagpaarayat dagiti kakadua ti biktima kadagiti kameng ti San Esteban Municipal Police Station isu a naisayangkat iti search and retrieval operation kaduada iti Philippine Coast Guard ket nasarakan iti kaadayo a walopulo agingga sangagasut a metro ti biktima a dagus a naipan iti Ilocos Sur District Hospital – Narvacan ngem naideklarar a dead on arrival babaen ti attending physician-na.
VC – PMAJ. AURELIO MANANTAN
