--Ads--
VIGAN CITY – Pimmusayen ni Danilo Frando Piano, agtawen iti limapulo ket innem a taga-Purok a Bassit, Vigan City ngem agkaskasera idiay Sitio Caguitaraan, San Julian Norte nga isu ti lugar a nakapaltuganna.
Maipalagip nga agwelwelding ti biktima idi pinaltugan ti saan pay nabigbig a suspek a nagsagabaanna iti tama ti bala iti baba ti lapayagna a puon ti nakatayanna idi parbangon ti February 5.
Ti suspek ket naglugan iti nalabaga a kotse, mapatta-patta a 5’4 ti katayagna, kalalaingan ti pammagina, naka-jacket ken nakakallugong kas inladawan dagiti apo ti biktima a nakakita.
Iti agdama, kitkitaenen dagiti pannakabagi ti linteg ti CCTV footage dagiti establisimiento para ti al-alisto a pannakabigbigda iti naglibas a suspek.
-- ADVERTISEMENT --
