VIGAN CITY – Agtultuloy ti hot pursuit operation ti Bantay Police Station iti suspek ti pammagkong idiay Barangay Guimod, Bantay ani Maximo Sotirio Dudalo Jr., agnaed iti Barangay Tapao-Tigue, Curimao, Ilocos Norte.
Ti biktima ket nabigbig a ni Raulian Esposo Daoang, agtawen iti duapulo ket maysa nga agnaed iti Barangay Medina, Dingras, Ilocos Norte.
Iti pannaki-uman ti Bombo Radyo Vigan ken ni Police Mjor Pol Areola iti Bantay Police Station, agin-inom ti biktima ken suspek idin ta idi nalpasda ket rimsua ti saanda a nagkinnaawatan ta mapapati a pinabasul ti biktima ti suspek nga agtaktakaw ti gasolina a puon ti nagririanda agingga a nabagkong ti suspek ti biktima.
Gapu dayta, dua ti tama ti biktima iti siket ket maysa met tit amana iti barukong ngem nupay kasta ket natalgeden ti kasasaadna.
Dagusmet a naglibas ti suspek kalpasan ti pasamak nga isu ti sapsapulen ita dagiti pannakabagi ti linteg.
