VIGAN CITY – Nabagsol iti maysa a lalaki nga agtawen ti tallo pulo ket maysa ta napanna tinungpa ti kabsatna idiay Brgy. Pug-os, Sinait.
Nabigbig ti biktima a ni Stephen Jay Sablay Prades agtawen ti tallo pulo ket maysa ken ti suspek a ni Emil Sablay Prades agtawen ti tallo pulo.
Iti pannaki-uman ti Bombo Radyo Vigan kenni PLt. Joel Idica, hepe ti Sinait Municipal Police Station, naginom ti arak dagiti agkabsat ket idin maturogdan napankinumprontar ti biktima iti kabsatna sana tinungpa.
Nakapungtot ni Emil ket nabagkongna ti kabsatna iti paset ti tyanna ken iti agdama matamtaming idiay Ilocos Sur Provincial Hospital Gabriela Silang.
Ti agdama iggemen dagiti pannakabagi ti linteg ti suspek ken ti narekobre a kutsilyo ken samurai iti nakapasamakan ti pammagsol.
