VIGAN CITY – Makasoan ti suspek a nangprobokar iti maysa a doktor idiay Poblacion Sur, Sta Maria, Ilocos Sur.
Iti pannaki-uman ti Bombo Radyo Vigan kenni PLt. Joel Dasargo, OIC iti Sta. Maria Municipal Police Station, inkeddeng ti doktor a ni Mila Guerrero, agtawen ti limapulo ket walo, Physician iti Judge Celestino Gurerro Memorial Hospital nga agnaed iti Poblacion Sur, Sta. Maria nga ituloyda a kasoan ti suspek a ni Franz Arreola Damaso, agtawen ti sangapulo ket siam, baro, OSY nga agnaed met laeng ti nasao a lugar gapu iti panagprobokar na iti ospital.
Kitkitaendan ti rason nu kasano a nakalibas ti suspek bayat iti pannakaquarantine-na ta positibo iti covid-19 ta maibilang a first contact iti natay nga apongna a baket a positibo iti nasao a sakit.
Maipalagip nga idi September 27, 2021 iti alas onse trentay singko ti bigat ket pinabasol ni Damaso ni Guerrero ken dagiti kakaduana pay nga staff ti ospital ti pannakatay ti apongna a baket gapu ti covid-19 ken naidalan ti cremation tapno maliklikan ti panagwaras ti sakit kasta payen ti panangbinittakna ti sarming nga arwangan ti ospital ken dinadaelna pay ti barikada a naipan iti sangwanan ti pagtaengan ni dati a Vice Mayor Bernardino Brillantes a naipan tapno saan a pagdalanan dagiti tattao ken lugan bayat ti pannakaipatungpal ti Enhanced Communty Quarantine iti nasao nga ili.
