VIGAN CITY – Simmukon ti suspek iti pammaltog idiay Barangay Sucoc, Narvacan, Ilocos Sur ket manamnama a mapilaan ti kaso nga attempted murder para ti panangpanggepna a panangpaltogna ti ina ti dati a kaayan-ayatna ken frustrated murder para ti panangpaltogna a dati a nobyana.
Iti pannaki-uman ti Bombo Radyo Vigan ken ni Police Major Alexander Dangli manipod ti Narvacan Municipal Police Station, ti suspek ket isu ni Edmund Cabalar, agtawen iti tallopulo ket maysa, mannalon nga agnaed ti Barangay Sucoc, Narvacan idinto a ti biktima na ket ti dati a kaayan-ayatna a ni Erica Pimentel, agtawen iti duapulo ket tallo, maysa a Philippine Statistics Authority Surveyor nga agnaed met laeng iti nasao a lugar.
Segun ken ni Dangli, napan nagpasyar ti suspek iti pagtaengan ti biktima idi rabii iti November 7, 2023 tapno agpatangda ta nagsinada idi napalabas a bulan ngem gapu ta nakita daytoy ama ti biktima a nabartek ti suspek ket binagaanna nga agsubli inton sumaruno nga aldaw.
Gapu dayta, nagawid ti suspek ngem nagsubli iti pagtaengan dagiti biktima ket nagderetso a simrek iti likod ket apaman a nakitana ti ina ti biktima ket pinanggepna a pinaputokan ngem saan a timmama ngem idi nakitana ti biktima ket pinaputokanna a gappuanan ti pannakatama ti siketna.
Nupay kasta, awan met ti internal injury a sinagrap ti biktima isu a manamnama a makaruar met laeng nga insigida iti ospital.
Kabayatanna, narekubre iti nakapasamakan ti pammaltog ti dua nga empty shell iti 19.9mm.
VIDEO OF POLICE MAJOR ALEXANDER DANGLI
