Simmukon ti agtawen-iti-duapulo ket tallo a lalaki a nangpaltog iti bus idiay Barangay Pangtud, Pidigan, Abra a nakatirwan ti maysa a conductor.
Ti biktima ket ni Ronald Dela Cruz Aquino, agtawen iti uppat a pulo ket dua, conductor ti Viron Transit a taga-Tagudin, Ilocos Sur.
Iti pannaki-uman ti Bombo Radyo Vigan ken ni PLT. Enrique Oldangon Paracanao, Deputy Chief of Police ti Pidigan Police Station, kinabartek ti rason no apay a naaramid ti suspek a paltugan ti bus a nagluganan ti biktima.
Maidalan met iti cross examination ti caliber 45 a paltog nga inaramat ti suspek ken sangwenna ti kaso a frustrated murder.
Kabayatanna, segun iti biktima a ni Aquino, daldalyasatenda ti dalan idiay Abra idi nangpick-up-da iti pasahero ket nakarukob idi gundaway a mapaltugan.
Impagarupna a bato laeng iti damo ti timmama kenkuana idin ta makitana nga adda tama ti imana, paragpag ken naabutan ti badona.
Dagus a dimsaag a naglugan iti traysikel a napan iti police outpost ken naipan iti ospital nga ita ket agpapaimbag pay laeng.
