VIGAN CITY – Frustrated Homicide ken Alarm and Scandal iti kaso a naipila kontra ti maysa a lalaki a nangbagkong iti kapiduana idiay Tagudin.
Iti pannaki-uman iti Bombo Radyo Vigan ken ni PCapt. Jose Bandong II, adda iti kustodiyan iti pannakabagi ti linteg ni Renmar Chua Alosolos, agtawen ti uppat a pulo ket maysa, naasawaan, awan iti trabahona a taga-Brgy. Tampugo, Tagudin gapu iti panangbagkongna iti kapiduana a ni Danilo Aglosolos, agtawen ti uppat a pulo ket dua, naasawaan nga agnaed met laeng iti nasao a lugar.
Segun ken ni Bandong, napasamak iti pammagkong idi naginom ti suspek agingga napanunotanna a rumuar iti pagtaenganna ket kinunana a rumuar ti natured isu a sinungbatan ti biktima a saan nga nariri ngem bigla na lattan a binagkong.
Saan pay laeng a nabigbig dagiti pannakabagi ti linteg iti naaramat a pinagbagkong ti suspek ta nakataray kalpasan iti pasamak ngem nakita dagiti barangay official idiay Brgy. Begkis, Tagudin isu a nakemmeg met laeng.
Nupay kasta ket addan iti Medical Consultation idiay La Union ti biktima para iti pannakatamingna idinto a ti suspek ket adda iti kustodiya dagiti pannakabagi ti linteg.
