VIGAN CITY – Natay gapu ti pannakalmesna ni Rodolfo Urpano Zamora, dati nga Overseas Filipino Worker, agnaed iti Sitio Punta, Barangay Cabittaogan, Sta. Catalina.
Iti pannaki-uman ti Bombo Radyo Vigan ken ni Police Captain Marlon Martinez, magmagna ti biktima iti seawall kadua ti asawana a ni Lydia Racadio Zamora, agtawen iti innem a pulo ket dua ta ipaspasyarda dagiti asoda idin ta ti husky nga asoda ket naikkat ti talina ket timpwak manipud iti wall agingga a naipan iti kabaybayan.
Pinadas ti biktima nga alawen ti aso ngem gapu ti napigsa a dalluyon ket timpaw ti bangkayna kalpasan laeng ti mano a minutos.
Dagus nga intaray iti ospital dagiti nagresponde a pulis ti biktima para ti pannakatamingna ngem saanen a nakalasat.
Nupay kasta, nagballaag ni Martinez kadagiti mapan pumaspasyar iti kabaybayan ta no makitada a dakkel ti dalluyon ket saandan a mapan iti igidna tapno maliklikan dagiti madi a mapasamak.
