Positibo iti drug test ti lalaki a nakemmeg iti naiwayat a buy-bust operation idiay Barangay Salindeg, Vigan City, Ilocos Sur.
Ti suspek ket agtawen iti duapulo ket walo, construction worker, agnaed iti nasao a siudad.
Iti pannaki-uman ti Bombo Radyo Vigan ken ni PLTCOL David Dulnuan, namitlo a daras a nagatanganda ti suspek iti iligal a droga.
Malaksid dayta, subject pay ti suspek kadagiti kabangibang nga ili gapu ta rumrummuar pay nga isu ti source.
Bayat ti operasion, naala kenkuana ti 2.5 grams ti mapapati a shabu nga aggatad iti P17,000 a naikabil iti 4 a small, heat-sealed plastic sachet.
Dagiti non-drug evidence ket pakairamanan ti P1,000 genuine money, candy wrapper, lighter, ken mountain bike.
Naipila metten ti kaso a panaglabsing iti Republic Act 9165 wenno Comprehensive Dangerous Drugs Act of 2002 kontra iti suspek.
