VIGAN CITY – Daan a susik iti nakita ti Bangued municipal police station nga idaulwan ni Police Major Dominador De Guzman a motibo ni Princeton Cariño nga agtawen iti dua pulo ket uppat a taga-Duminglay, Licuan-Baay, Abra a nangpaltog iti boksit ni Angelo Baylon Alfiller nga agtawen iti dua pulo ket tallo a taga- Pias, Tayum, Abra idi naminsan nga aldaw, ala una kwarenta ti malem idiay Lipcan, Bangued, Abra.
Segun ken ni De Guzman, pinara ti suspek ti biktima a nakalugan iti motorsiklo sa nagpaitulod idiay Lipcan ngem idi daldalyasaten da ti kalsada a mapan iti nasao a lugar, bigla a pinaltugan ti suspek ti biktima ket intaray na pay ti motorsiklo na.
Gapu ti dayta, intaray ti biktima iti bagi na idiay Seares Hospital idinto a sinapul met nga insigida dagiti otoridad ti suspek ket kalpasan iti sumagmamano nga oras a panagsapsapul da ket simmuko met laeng kadakuada.
Nagramot iti daan a susik dagiti dua idi mapapati a dinanug ti biktima ti uliteg ti suspek nga isu iti kayat na nga ibales.
