VIGAN CITY – Kaso a Reckless Imprudence resulting in homicide and damage to property ken panaglabsing iti republic act 10586 wenno ti anti-drunk driving law iti sanguen ti suspek a ni Dan Ryan Peralta, agtawen tallo pulo, baro ken agnaed idiay #52 Rizal Street Brgy. 3 Vigan City iti pannakadungparna ken ni Elizabeth Gallego nga agtawen ti innem a pulo idiay sanguanan ti Ilocos Sur Provincial Hospital –Gabriela Silang a poon iti nakatayan na.
Saan a kayat iti pamilya ti biktima iti agpa-areglo isu’t gapu na nga inpila idi kalman ti Vigan City police station dagiti nasao a kaso kontra ti suspek.
Ti agdama, nakaimasayagen iti bangkay ti biktima iti pagtaengan da idiay Barangay Tamag, Vigan City.
Kabayatanna, ti suspek ket ikoten ti Vigan City PNP ket maisagsaganan dagiti dokumento ken ebidensiya a kasapulan para iti panagdur-as iti kaso a sanguen na.
Gumatgatang iti gasolina idiay sangwanan iti nasao nga ospital ti biktima ta nabbatan iti gasolina iti nagluganan da a motorsiklo idi dinungpar ti suspek a nagmaneho ti Toyota Vios ta mapapati a napukaw na iti kontrol iti manibela iti lugan ta nabartek.
