--Ads--
VIGAN CITY -Agtaltalinaed iti balay pagagasan ni Gerald Villamar, agtawen ti duapulo ket maysa nga agnaed idiay Brgy. Resurreccion, San Juan gapu iti pannakaaksidentena idiay Brgy. Guimod Sur, San Juan.
Agpapa-abagatan a direksion ni Villamar a nakalugan iti motorsiklo na idi adda iti bimmallasiw nga aso iti dalan na.
Agsipud iti dayta, natulid ni Villamar ket nagsagaba iti dunor iti naduma-duma a paset iti bagi na.
Sinapul dagiti otoridad iti akinkukua ti nasao nga aso ngem saanda a nagballigi.
