Maysa a lalaki iti natay bayat iti pannakaiserbi ti warrant of arrest-na gapu iti pannakipinaltogna kadagiti otoridad idiay Sitio Lipay, Barangay Urzadan, Suyo, Ilocos Sur itay bigat, June 4, 2026.
Ti akusado ket lalaki nga agnaed idiay Urdaneta City, Pangasinan ngem tubo idiay Bohol.
Iti pannaki-uman ti Bombo Radyo Vigan ken ni PCpt. Godofredo Ribuyaco iti Suyo Municipal Police Station, bayat ti panangiserbi dagiti otoridad iti warrant of arrest kontra ti akusado para iti kasona a Theft ken narekomendaran iti pyansa nga aggatad iti P40,000 idiay Sitio Lipay, Barangay Urzadan, Suyo ket kellaat a nagpaputok iti paltog ti akusado iti mamindua a daras ket tinargetna dagiti operating police personnel ngem awan iti natamaan.
Segun ken ni Ribuyaco, gapu dayta ket bimmales dagiti otoridad a gappuanan ti pannakatama ti akusado iti akin-kannigid a tengnged ken takyagna.
Gapu dayta ket naipan ti naipan ti akusado iti Tagudin District Hospital para koma iti pannakatamingna ngem naideklarar a dead on arrival babaen ti attending physician-na.
Nabigbig dagiti otoridad ti inaraamat a paltog ti suspek a caliber 38.
Kinuna ni Ribuyaco a maibilang nga “armed and dangerous” ti akusado ta adda iti pito a kasona a pakairamanan iti theft idiay Bohol, theft idiay Baguio City, Anti-Carnapping, Robbery ken sabali pay a theft idiay Baguio, Theft idiay Sta. Lucia, Ilocos Sur ken Theft idiay Suyo, Ilocos Sur ta umabot sangapulo a baterya it lugan iti tinakawna a ti kaudian ket idi May 29, 2026 a napasamak idiay Poblacion.
Naammoan nga iti baet a taga-Bohol ti akusado ket mapapati nga adda nobyana idiay Sta. Lucia isu a nakaiwayat latta iti illegal nga aramid iti probinsia.
Iti agdama ket dukduktalen pay dagiti otoridad no posible nga adda pay kakadua ti akusado iti illegal nga aramidna.
