--Ads--
VIGAN CITY – Natay ti maysa a lalaki a naglugan ti delivery truck ta naisab-it ti tengngedna iti agluyluyokan a waya idiay Brgy. Nalasin, Sto. Domingo, Ilocos Sur.
Nabigbig ti biktima a ni Jorell Gabon Serdenia, agtawen ti dua pulo ket siam agnaed ti Brgy. Balaleng, Amianance, Bantay.
Segun ti Sto. Domingo Municipal Police Station, natnag ti biktima kabayatan a nakalugan ti Isuzu Forward a minaneho ni Roland Pizarro agtawen ti tallo pulo ket pito ken rimmuar ti imbestigasyon a nakatugaw ti biktima kaduana dagiti padana a helper agingga a napasamak ti aksidente a pannakaisabit-na ti waya.
Naregreg ti biktima iti naglugananna a truck ken naipan ti Northside Doctors Hospital ngem naideklara a dead on arrival.
-- ADVERTISEMENT --
