VIGAN CITY – Isagsaganan ti Candon City Police Station dagiti dokumento a kasapulan iti pannakaipila ti kaso kontra iti maysa a lalaki a nainaig iti mauling incident.
Ti suspek ket ni Ricky Abis Pulot, agtawen iti tallopulo ket dua, idinto a ti biktima ket ni Dennis Gorospe Dela Cruz, agtawen iti uppat a pulo ket uppat, agpada a taga-Barangay San Jose, Candon City.
Alas onse y media iti bigat ti July 9, napaayaban ti suspek ken biktima iti Barangay Hall ti San Jose, Candon City tapno simpaen ti kasoda inaig iti commotion incident a napasamak iti parking area iti nasao a lugar.
Ket idi sumrekda iti barangay hall nga adda dagiti barangay official, bigla a dinanug ti suspek ti akin-kannigid a mata ti biktima.
Nangiparang ti biktima iti medical certificate a pinermaan ni Dra. Maureen Resonable iti Resonable Hospital a napetsaan iti July 9, 2024 ken ti Certificate to File Action from Barangay San Jose, Candon City, Ilocos Sur, a ti nakailanad ket saan a nauros ti kasoda ti suspek.
