Maysa a lalaki nga agtawen iti tallopulo ket siam ti nasarakan a nagbekkel iti ili ti Magsingal, Ilocos Sur.
Segun iti putot ti biktima, namin-ano nga inawaganna ti amana ngem saan a sumungsungbat, isu a napilitan a mangserrek iti kuartona.
Idi makastrek, nasarakanna ti amana a nakaparintumeng nga adda barikes a naiputipot iti tengngedna ken naigalut iti tawa ti kuarto.
Dagus a pinutedna ti barikes a naiutipot iti tengnged iti amana, ket intarayda iti ospital.
Iti pannaki-uman ti Bombo Radyo Vigan iti katugangan a babai ti biktima, masansan a dakdakamatenna ti pannakaikkatna iti trabaho a nagserbianna iti sangapulo ket pito a tawen, ken makitkitana a nalaus ti panagin-inomna sipud naikkat idi napan a bulan.
Inladawanna met ti manugangna a nasingpet, mannakigayyem, mapagtalkan ken managparabor.
Awan ti foul play iti pannakatay ti biktima ken nakainom idi napasamak ti insidente.
