--Ads--
VIGAN CITY – Makaawiden inton Martes ni Audie Naungayan Serbania, maysa a lakay manipud iti Fuerte, Caoayan a nagviral iti social media gapu iti panagpatulongna nga agawid ditoy probinsia ta immuna a naipadamag a na-stranded idiay Magallanes, Makati.
Inlawlawag ni Caoayan Municipal Social Welfare Officer Nancy Querubin Llanes a nabayagen nga agtaltalinaed ni Serbania idiay Manila ta adda pay putotna ngem itan ket kayatnan ti agawid ditoy probinsia.
Malaksid ti dayta, karaman pay iti listaan dagiti social pensioner ti ina ni Serbania.
Nupay kasta, tumulong ti DSWD a mapan mangsundo kenkuana ken adda ti maipaay a tulong nga aggapu iti ahensia.
-- ADVERTISEMENT --
