VIGAN CITY – Nakemmegen ti suspek iti pannaka takaw ti maysa a motor idiay Barangay Poblacion Sur, Sta. Maria a naaramid pay laeng idi july 24 ket natunton ti nasao a motor gapu iti panangusar na ti nasao a mootorsiklo a naimbolbar iti aksidente idiay Burgos isu a nabigbig dagiti otoridad ti nasao a lugan.
Segun ken ni Police Lt. Gilbert Tolosa, hepe ti Sta. Maria, natiliw ti suspek a ni Laarni Bangot Cabusas babaen met laeng iti tulong ti Burgos PNP nga idaulwan ni Police Lt. Nestor Gaston.
Naamuan nga itay kallabes, sumangsango ni Cabusas nga agtawen iti tallo pulo ket tallo iti kaso a panaglabsing iti gunban ken illegal possession of firearms.
Ti motorsiklo a tinakaw ti suspek ket kukua iti maysa a mangisursuro a taga- Nalvo, Sta. Maria ngem agab-abang idiay Poblacion Sur, Sta. Maria.
