Nakemmeg ti maysa nga agtawen-iti-sangapulo ket siam a lalaki kalpasan a sinerrek ken tinakawanna ti Twin’s Variety Store idiay Barangay Sabangan, San Juan idi rabii ti Nobiembre 13, 2026.
Maibasar iti salaysay ti akinkukua ti tienda a maysa a babai nga agtawen iti tallopulo ket lima, naduktalanna a napittak ti sarming ti sliding window ti tiendana idi simmangpet nga aglukat koma iti bigat ti Nobiembre 14.
Kinunana a napukaw ti karton ti kaha a naglaon iti P2,000 a paper bill ken P12,000 a barya.
Maibasar iti CCTV footage, dimteng ti suspek a nakalugan iti mountain bike ket pinittakna ti sarming ti tienda babaen iti gemgemna tapno makastrek ken makatakaw.
Positibo daytoy a binigbig ti biktima a datin a suki ti tiendana.
Dagus met a nangisayangkat ti hot pursuit operation dagiti pulis a nakakemmegan ti suspek iti pagtaenganna.
