VIGAN CITY – Nakemmeg ti maysa a lalaki gapu iti panagtakawna iti maysa a 711 convenience store idiay Brgy. 3, Vigan City.
Segun ti Vigan City Police Station, nabigbig ti suspek a ni Ben Martin Obinque, agtawen iti tallopulo ket pito, baro, awanan ti trabaho nga agnaed idiay San Jose, Labrador, Pangasinan idinto a dagiti biktima ket da Rogelio Tavas, agtawen iti tallopulo ket uppat, naasawaan, area manager iti nasao nga store nga agnaed idiay Brgy. Ayusan Norte, Vigan City ken Melani Tumampo Quimson, agtawen iti duapulo ket tallo, store manager nga agnaed idiay Crystal Cave, Baguio City, Benguet.
Maibasar iti imbestigasyon, imbutaktak da Melanie ken Niño Harold Padre a sales desk a naaktuanda ti suspek iti panagalana iti makan ken mainom nga aggatad iti 8,495 pesos.
Naipan ti suspek iti Ilocos Sur Provincial Hospital ta naidalan iti medico legal ket kalpasanna naipanen iti Vigan City Police Station tapno dumalan iti husto a proseso.
