Saan a nabigbig ti lalaki a nagtakaw iti kuarta iti uneg iti Simbaan a Bassit idiay Barangay 8, Vigan City.
Ti biktima ket lalaki nga agtawen iti duapulo ket tallo, caretaker nga agnaed idiay Barangay 9, Vigan City.
Iti alas dose kinse iti aldaw idi kalman, nagresponde dagiti kameng ti Vigan City Police Station maipanggep iti robbery incident a napasamak iti nasao a simbaan.
Segun ti caretaker, alas singko iti bigat idi naglukat isuna iti main door iti simbaan ken nagturong iti arwangan a masarakan iti daya a paset iti simbaan idin nakigtot ta nakalukat isu a napanna kinita dagiti napapateg nga alikamen iti uneg ti simbaan nga isu ti nakaammoanna a dagiti lock iti dua a donation box ket nadadael ken ti kuarta nga adda iti unegna ket mapukpukaw.
Idi kinitana ti cashier box ket nadadael met laeng ti lock-na ken naduktalanna a ti kuarta a P5,000 nga adda iti unegna ket mapukpukaw met laeng.
Idi kinitana iti CCTV footage ket naduktalan a maysa a lalaki a nakasuot ti pants, maysa a jacket ken maysa a bonnet iti nangpuersa a nanglukat iti uneg ken nagtakaw iti nasao a simbaan.
