Maysa a lalaki iti nakemmeg gapu iti panagatakawna iti baka idiay Barangay Suso, Sta. Maria.
Ti suspek ket taga-Bantugo, Nagbukel a dati nga agtrabtrabaho iti maysa a lending company.
Iti pannaki-uman ti Bombo Radyo Vigan ken ni PLt. Jenson Refuerzo manipod Sta. Maria Municipal Police Station, nagturong kadakuada ti biktima wenno akin-kukua ti baka a tinakaw ti suspek ket impakaammona iti pannakapukawen ti tarakenna iti nangiwaywayanna.
Segun ken ni Refuerzo, dagusda a nagimbestigar ket iti backtracking da isu ti pannakaduktalda iti aramid ti suspek.
Iti simmaruno nga aldaw, bayat ti kaadda iti open field ti suspek a mangur-uray iti pangilakoanna iti baka ket adda iti nakakita kenkuana nga isun ti rason a nakakemmeganna.
Naduktalan a saan nga umuna a gundaway a nagtakaw ti suspek idiay Barangay Suso iti nasao nga ili ta iti laeng napalabas nga uppat nga aldaw ket maysa met laeng a baka manen iti nakataw ngem saan laeng a naidanon kadagiti pannakabagi ti linteg.
Mapapati nga adu iti naka-utangan ti suspek nu apay a naaramidna iti nagtakaw ngem madukduktalan nu pudno dayta a rason iti panagtakawna.
VIDEO – PTL. JENSON REFUERZO
