VIGAN CITY – Kaso a panaglabsing iti RA 9165, Articile 151 iti RPC ken Alarm Scandal iti sangwen ti maysa a lalaki a nagprubukar ken naalaan iti kontrabando idiay Brgy. Abuor, Narvacan.
Iti pannaki-uman iti Bombo Radyo Vigan ken ni PMaj. Daniel Burgos, OIC iti Naracan Municipal Police Station, inreport kadakuada ni Brgy. Captain Florentino Bienabidez iti panagprubokar ni Arthur Cabe, agtawen ti tallopulo ket walo, adda iti live-in partnerna nga agnaed iti nasao a lugar isu a nagrespondeda ket agtultuloy pay laeng iti panagprubokarna ken ni Kevin Mark Martinez, agtawen ti duapulo ket walo, naasawaan nga agnaed met laeng iti nasao a lugar.
Segun ken ni Burgos, kalpasan a kinemmegdda ni Cabe ket kinapkapanda isu nakitada iti maysa a plastic sachet a naglaon iti shabu nga agdagsen iti 0.8 gram ken aggatad iti duaribo a pisos, maysa a plactic sachet iti mapapati a bulong iti marijuana nga agdagsen iti 1.5 a gramo nga aggatad iti 1,500 a pisos.
Innayon pay ni Burgos a karaman iti High Value target iti Regional Level iti salinong iti PDEA list ken subject iti Coplan BAKES KAMMET ti suspek.
