Nakemmeg ti maysa a lalaki gapu iti panagprobokar ken panagsukirna kadagiti pannakabagi ti linteg idiay La Lanterna Apartment, Barangay Cabalanggan, Bantay, Ilocos Sur.
Ti suspek ket agtawen iti duapulo ket dua, tubo iti Sinebaran, Matnog, Sorsogon, ngem agdama nga agnaed iti Cabalanggan, Bantay.
Agin-inom ti suspek kadua ti kaanakan ti live-in partner-na iti nasao nga apartment.
Gapu iti kinabartek, nagprobokar ti suspek babaen iti panagpukkawna a nakariribukan ti nasao a lugar.
Dagus a nagresponde dagiti pannakabagi ti linteg iti lugar ket pinadasda nga anawaen ti suspek nga agpukpukkaw.
Ngem imbes nga agpaanawa, nagisawang iti dinadakes a balikas kadagiti pulis a nagresponde.
Idi manarimaan ti panangkemmeg dagiti pulis iti suspek, kinaritna dagitoy a makidinnanog kenkuana.
Nupay kasta, sangwen ti suspek ti kaso a panaglabsing iti Article 151 ken Article 155 ti Revised Penal Code.
