--Ads--
Nakemmeg ti maysa a lalaki a nagprobokar kalpasan a maalaan dagiti pannakabagi ti linteg iti mapapati a shabu idiay Barangay Bonifacio, Cabugao, Ilocos Sur.
Ti suspek ket ni alyas Ron, agtawen iti duapulo ket siam, agnaed iti nasao nga ili.
Iti pannaki-uman ti Bombo Radyo Vigan ken ni Police Major Pol Areola, idi kapkapanda ti suspek, maysa a heat-sealed transparent plastic sachet a naglaon iti maysa a gramo ti maatap a shabu nga aggatad iti P6,800 ti naala manipud iti bulsa ti shorts-na.
Innayon pay ni Areola a masansan nga agprob-probokar ti suspek tunggal makainom.
-- ADVERTISEMENT --
Sangwen ti suspek ti kaso a panaglabsing iti Republic Act 9165 wenno Comprehensive Dangerous Drugs Act of 2002.
