--Ads--
Maysa a lalaki ti nakemmeg gapu iti panangdadelna iti glass window ti Rural Health Unit ken Barangay Hall idi nagprobokar idiay Barangay Poblacion Norte, Santiago, Ilocos Sur.
Iti pannaki-uman ti Bombo Radyo Vigan ken ni PCpt. Justine Jeff Aguigam, ti suspek ket mapapati nga adda parikut ti panagpampanunotna ken nakainom idi nagprobokar.
Siam a glass window ti nadadael gapu iti panangbato ti suspek pakairamanan ti opisina ti Rural Health Unit ken opisina ti Department of Agriculture.
Saan pay laeng a makasarita a naimbag dagiti pannakabagi ti linteg ti suspek ta saan a maaw-awatan dagiti ibagbagana.
-- ADVERTISEMENT --
Awan pay met ti immay a kameng ti pamilia ti suspek, ngem nupay kasta, nakasaganan ti kaso a sangwenna.
