--Ads--
VIGAN CITY – Nakemmeg ti maysa a lalaki idiay Brgy. Sta. Monica, Magsingal gapu ti panaglabsingna iti Article 151 ti Revised Penal Code ken curfew hour.
Ti suspek ket ni Reynante Tugade, agtawen iti uppat a pulo ket pito a residente iti nasao a lugar.
Agpatpatrolya dagiti kapulisan iti nasao a barangay idin ta indanun kadakuada dagiti tallo a tanod a ti suspek ket mapapati a nakainom iti arak isu a nagprobokar.
Gapu ti dayta, pinasardengda ti suspek babaen ti tulong dagiti barangay tanods ket impanda iti Magsingal District Hospital para ti medical examination ken Covid19 antigen test sakbay a naikustodia iti Magsingal Police Station tapno dumalan iti husto a proseso.
-- ADVERTISEMENT --
