--Ads--
VIGAN CITY – Nagsagaba iti tama ti bala ti paltog ti akin-kannigid a paset ti saka ni Arnold Asuncion, agtawen iti limapulo a taga-Brgy. Margaay, Narvacan ta pinaltugan ti kabsatna a ni Loreto Asuncion, agtawen iti limapulo ket dua.
Iti pannaki-uman ti Bombo Radyo Vigan ken ni PMaj. Arcadio Viloria, nagprobokar ti biktima kadagiti nagannakna isu a narurod ti suspek ket rimuar a nangala iti caliber 38 revolver ket pinaltuganna iti naminsan a daras ti luppo ti biktima.
Boluntaryo met a simmuko ti suspek kadagiti pannakabagi ti linteg iti Narvacan Police station tapno sangwenna dagiti kaso a maipila kontra kenkuana.
Naala iti nakapasamakan ti krimen ti uppat a live ammunition ken maysa nga empty shell.
-- ADVERTISEMENT --
