VIGAN CITY – Maysa a lalaki a naka home quarantine idiay ili ti Sta. Cruz ti naglibas iti pagtaenganna ken napan ti probinsya ti La Union.
Nabigbig ti lalaki a ni Moncharles Escalona Molina agtawen ti dua pulo ket dua ken agnaed ti Brgy. Casilagan, Sta. Cruz.
Basar ti report manipod Sta. Cruz Municipal Police Station, impakammu ni Brgy. Capt. Eduardo Bianan Quiming a ti nasao a lalaki a naka home quarantine ken nagpositibo ti Antigen Test ket naglibas ti pagtaenganda.
Naglugan ti kotse ni Molina ken nagturong ti probinsya ti La Union ket basar ti Facebook Post na napan nangan idiay ELYU Surfer’s Grill, San Juan La Union oras 10:37 ti bigat ken napan ti igid ti baybay ti Luna, La Union.
Impakammun ti Sta. Cruz Municipal Police Station ti nasao a pasamak ti San Juan Police Station ken Luna Police Station tapno masarakan ti suspek a maipilaan ti kaso.
