VIGAN CITY – Maysa a lalaki iti nakemmeg ta nagpaputok iti paltog idiay Brgy. Malingeb, Bantay, Ilocos Sur.
Nabigbig ti suspek a Marvin Piano Asia, agtawen ti tallopulo ket maysa, naasawaan, mannalon nga agnaed iti nasao a lugar.
Maibasar iti imbestigasyon kadagiti pannakabagi ti linteg, nakaawatda iti report manipod ti maysa a concerned citizen nga adda nagpaputok ti paltog isu a nagresponde dagiti kameng iti barangay ken SWAT team.
Pinasingkedan met ti Brgy. Captain iti nasao a barangay a ni Geronimo Paet, agtawen ti innem a pulo ket maysa, naasawaan nga inamin ti suspek iti panagpaputokna.
Nakikammayet dagiti kameng ti PNP iti pamilia ti suspek tapno kiddawen iti panagsukona agingga simmangpet ni Rosendo Pilar, agnaed idiay Brgy. Ora, Bantay ket in-turn overna iti maysa a Norinco AK 47 nga adda nakaipan a magazine na ngem awan iti ammunition-na nga isu iti inaramat ni Asia a nagpaputok.
Impadas ni Pilar nga inallukoy a sumuko ni Asia ngem naglibas ket saanna nga ammon iti napananna.
Kabayatanna, narekobre iti crime scene iti uppat a fired cartridge cases iti AK 47 .
