--Ads--
Nakemmeg ti maysa a lalaki a nagpaputok iti paltog idiay Barangay Magsaysay District, Santa, Ilocos Sur.
Ti suspek ket agtawen iti tallopulo ket lima, agnaed iti nasao a lugar.
Iti pannaki-uman ti Bombo Radyo Vigan ken ni PLt. Reynaldo Reynon iti Santa Police Station, tinarayan ida ti suspek isu a kinamatda ket idi matiliwda, pinadissaagda daytoy manipud iti luganna sa da pinagpakleb.
Nangiyabda met iti barangay official a nangimatang iti pannakaduktalda iti caliber 45 manipud iti lugan ti suspek.
-- ADVERTISEMENT --
Manarimaan ti panangberipika dagiti pannakabagi ti linteg no adda naan-anay a dokumento ti nasao a paltog.
Maisagsaganan ti kaso a panaglabsing iti Republic Act 10591 wenno Comprehensive Firearms and Ammunition Act a sangwen ti suspek.
