Nakemmeg ti maysa a lalaki a nagpaputok iti paltog idiay Sinait, Ilocos Sur bayat ti panagsarabo iti baro a tawen.
Ti suspek ket agtawen-iti-uppat a pulo ket walo, naasawaan nga agnaed iti nasao nga ili.
Iti pannaki-uman ti Bombo Radyo Vigan ken ni PLt. Junelyn Verganio nga Operations Officer iti Sinait Municipal Police Station, nariribukan ti suspek gapu iti nagsasaruno a napigsa nga uni dagiti motorsiklo ken nagsasaruno a paputok isu nga inasotna iti paltog a nakasukibot iti siketna nga isu ti imputokna iti namintallo a daras.
Ti inaramat a paltog ti suspek ket Taurus .45 caliber nga adda maysa a piraso iti magazine ken addaan iti sangapulo a piraso ti live ammunition para iti Cal. 45.
Segun ken ni Verganio, iti baet nga adda impakita a dokumento wenno License to Own and Possess Firearms (LTOPF) ti suspek ket sangwenna latta iti panaglabsing ti Attemped Homicide, Discriminate Firing ken Republic Act 10591 wenno Illegal Discharge of Firearm.
