VIGAN CITY – Dead on the spot ti lalaki a nagmotorsiklo ta nasagid ti truck nga overtake-anna iti national highway idiay Barangay Magsaysay District, Santa, Ilocos Sur.
Ti nagmaneho ti Suzuki Rider 150 motorcycle a red and black ket ni Michael Basuil, agtawen iti duapulo ket innem, baro, holder iti driver’s license nga agnaed idiay Barangay Pagsanaan Sur, Magsingal idinto a ti nagmaneho ti Isuzu Truck ket ni Ronnie Estrellado Espanola, agtawen iti limapulo, holder iti driver’s license nga agnaed idiay Purok 2 A Jose St. Tabe Guiguinto, Bulacan.
Iti pannaki-uman ti Bombo Radyo Vigan ken ni Police Executive Master Sergeant King Julius Crisolo manipod Santa Municipal Police Station, agpada nga agpapabagatan a direksyon dagiti dua a ti akin sango ket ti truck idin nadanonda iti agsikko a paset iti national highway ket nag-overtake ti motorsiklo iti kannawan a paset iti kalsada idin saan a napansin ti truck a nasagidna ti nakamotorsiklo.
Segun ken ni Crisolo, nagsagaba ti fatal injuries ti driver ti motorsklo isu a naideklarar a dead on the spot babaen ken ni Dr. Marilou Cardenas manipod Rural Health Unit idinto a ti nagmaneho ti truck ket saan a naan-ano.
Nagpalagip ni Crisolo kadagiti motorista iti panagannad nga agmaneho tapno maliklikan iti aniaman nga aksidente.
AUDIO – PEMS KING JULIUS CRISOLO
