VIGAN CITY – Dead on arrival iti ospital ti nagmaneho iti motorsiklo ta nadungpar ti maysa a tricyle iti national highway idiay Brgy. Jordan, Sinait.
Dagiti karaman iti aksidente ket ti nagmaneho ti Suzuki Rider a ni Edison Palpalatoc Ibarra a taga-Brgy. Rang-ay, Sinait; maysa a Pinoy 155 Tricycle a minaneho ni Melldrick Recolcolin Garcia, agtawen ti duapulo ket walo, construction worker nga agnaed idiay Brgy. 6-A Morong, Badoc, Ilocos Norte; ken maysa a mapapati a kurong-kurong.
Iti pakammo manipod Sinait Municipal Police Station, agpapabagatan a direksyon ti mapapati a kurong-kurong ken motorsiklo idin natuktob iti motorsiklo ti kurong-kurong nga adda iti sangwananna a gappuanan ti pannakatumba ni Ibarra ket napilidan ti naka-tricyle a ni Garcia nga adda iti likodna.
Gapu ti sinagaba a dunor ni Ibarra ket naipan iti Corpuz Clinic and Hospital, Sinait ngem dead on arrival babaen ti attending physicianna a ni Dr. Jamia Clara Candelario idinto a saan a naan-ano ti driver ti tricycle.
Iti pannakipapatang ti Bombo Radyo Vigan ken ni Melldrick Garcia a driver ti tricycle a nakadungpar ken ni Ibarra, agaw-awiddan idiay Cabugao idi kellaat a nagpangato iti tricycle-da ket idi kinitada, tao gayamen ti napilidanna isu a maladingitan ta saanna a nasiputan gapu kinasing-et iti nasao a lugar.
VOICE OF MELLDRICK GARCIA
