VIGAN CITY – Dead on arrival iti ospital ni Reynaldo Escobar Dalit, agtawen iti limapulo ket walo, construction worker nga agnaed idiay Barangay Pacang, Sta. Maria gapu ti pannakaaksidentena bayat ti panagmanehona iti Yamaha RS100T a motorsiklo iti national highway idiay Barangay Maynganay Sur, Sta. Maria.
Iti pannaki-uman ti Bombo Radyo Vigan ken ni PMaj. Macario Dulawan Jr. a hepe ti Sta. Maria Municipal Police Station, pinasingkedan ti nakakita iti pasamak a ni Raymark Marilag Quario, agtawen iti tallopulo ket maysa, ISECO lineman, ti driver ti motorsiklo ket agpapabagatan a direksyon a napaspas ti patarayna idi kellaat a naidungpar iti landok nga ayan iti mailaklako sugar cane vinegar iti laud a paset iti kalsada a gappuanan ti pannakadunorna.
Gapu ti sinagabana a head injury ket naipan iti Ilocos Sur District Hospital Paratong, Narvacan ngem naideklarar a dead on arrival babaen ti attending physician-na.
Segun ken ni Dulawan, naggapu iti trabaho ti biktima ket mapapati a nakainom idi napasamak iti aksidente ngem mayuray pay ti resulta nu pudno a nabartek.
Agtultuloy ti panagpalagip dagiti pannakabagi ti linteg kadagiti motorista ti panagannad iti panagmaneho tapno saan a maisagmak.
VIDEO – PMAJ. MACARIO DULAWAN JR.
