--Ads--
Dead on arrival ti maysa a lalaki a nagmotorsiklo kalpasan ti pannakaidungparna iti railings ti maysa a rangtay idiay Barangay Bantaoay, San Vicente, Ilocos Sur.
Ti biktima ket agtawen iti uppat a pulo ket pito, agnaed iti Barangay Poblacion, Sta. Catalina.
Maibasar iti imbestigasyon, naginom pay nga umuna ti biktima iti pagtaenganda kadua dagiti kabagyanna.
Kalpasanna, nagdesision ti biktima a mapan idiay Barangay Santo Domingo babaen ti motorsiklo nga inaramatna.
-- ADVERTISEMENT --
Daldalyasaten ti biktima ti agpa-amianan a direksion ket idi nadanonna ti nakapasamakan ti insidente, nag-overshoot ken naidungpar iti metal railings ti rangtay.
Naitaray iti ospital ti biktima ngem saanen a nakalasat.
